УЛС ТӨРИЙН ХИЛС ХЭРЭГТ ХЭЛМЭГДЭГСДИЙН ДУРСГАЛЫГ ХҮНДЭТГЭВ.

2018.09.10
Сумын Иргэдийн төлөөлөгчдийн Хурлын Ажлын албанаас Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан 2018 оны 09-р сарын 10-ны өдрийн 11.00 цагт сумын ЗДТГ-ын хурлын танхимд уулзалт зохион байгууллаа.  Манай сумын хэмжээнд Улс төрийн хилс хэрэгт хэлмэгдэгсдийн 9 хүнд хамаарах үр хүүхдүүд сумын суурь судалгаанд бүртгэлтэй байгаагийн 3 нь алс суугаа ажээ. Уулзалт ярилцлаганд сумын ИТХ-ын дарга Х.Батбаяр, ИТХТ-ийн нарийн бичгийн дарга Б.Золгэрэл, ЗДТГ-ын дарга Т.Энхзул, хэлмэгдэгсдийн үр хүүхдээс 4 хүн, гэр бүлийн 2 хүн ирж оролцлоо. Иргэдийн Төлөөлөгчдийн хурлын дарга Х.Батбаяр Монгол улсын төрийн нэрийн өмнөөс Улс төрийн хилс хэрэгт хэлмэгдэгсдийн дурсгалыг хүндэтгэж үг хэлэв. ИТХТ-ийн нарийн бичгийн дарга Б.Золгэрэл Улс төрийн хилс хэрэгт хэлмэгдэгсдийг цагаатгах, тэдэнд нөхөн олговор олгох тухай хуулийн хэрэгжилтийн талаар цаг үеийн мэдээлэл хийж хэлмэгдэгсдийн үр хүүхдүүдийн санал хүсэлтийг сонслоо.